وَ اقْصِدْ فِیْ مَشْیِكَ وَ اغْضُضْ مِنْ صَوْتِكَ اِنَّ اَنْكَرَ الْاَصْوَاتِ لَصَوْتُ الْحَمِیْرِ۠(۱۹)(سورۃ لقمان)

اور اپنی چال میں اعتدال اختیار کرو اور اپنی آواز آہستہ رکھو بیشک سب سے بری آواز گدھوں کی آواز ہے۔(۱۹)(آسان ترجمۃ القران) یعنی : انسان کو درمیانی رفتار سے چلنا چاہیے، رفتار نہ اتنی تیز ہو کہ بھاگنے کے قریب پہنچ جائے اور نہ اتنی آہستہ کہ سستی میں داخل ہوجائے، یہاں تک کہ جب کوئی شخص جماعت سے نماز پڑھنے جارہا ہو تو اس کو بھی آنحضرت ﷺ نے بھاگنے سے منع فرما کر وقار اور سکون کے ساتھ چلنے کی تاکید فرمائی ہے۔ اور : آواز آہستہ رکھنے سے مراد یہ نہیں ہے کہ انسان اتنا آہستہ بولے کہ سننے والے کو دقت پیش آئے، بلکہ مراد یہ ہے کہ جن کو سنانا مقصود ہے ان تک تو آواز وضاحت کے ساتھ پہنچ جائے، لیکن اس سے زیادہ چیخ چیخ کر بولنا اسلامی آداب کے خلاف ہے، یہاں تک کہ کوئی شخص درس دے رہا ہو، یا وعظ کررہا ہو تو اس کی آواز اتنی ہی بلند ہونی چاہیے جتنی اس کے مخاطبوں کو سننے سمجھنے کے لئے ضرورت ہے، اس سے زیادہ آواز بڑھانے کو بھی اس آیت کے تحت بزرگوں نے منع فرمایا ہے، اس حکم پر خاص طور سے ان حضرات کو غور کرنے کی ضرورت ہے جو بلا ضرورت اسپیکر کا استعمال کرکے لوگوں کے لئے تکلیف کا باعث بنتے ہیں۔(آسان ترجمۃ القران)

سُئِلَ النَّبِيُّ صَلَّى اللَّهُ عَلَيْهِ وَسَلَّمَ:‏‏‏‏ أَيُّ الْأَعْمَالِ أَفْضَلُ ؟ قَالَ:‏‏‏‏ الصَّلَاةُ لِأَوَّلِ وَقْتِهَا (ترمذی:۱۷۰)

نبی اکرم صلی الله علیہ وسلم سے پوچھا گیا: کون سا عمل سب سے افضل ہے؟ تو آپ نے فرمایا: ”اول وقت میں نماز پڑھنا“۔

لا ضرر ولا ضرار کا مطلب۔ حديث لا ضرر ولا ضرار کا مطلب یہ ہے کہ آدمی نہ تو دوسرے کو نقصان پہنچائے اور نہ بلا وجہ نقصان اٹھائے ؛ بلکہ حق حاصل کرنے کے لئے کوشش کرتار ہے۔ (کتاب النوازل/ج:۱۷/ص:۲۰۵)

سوال : ایک شخص مسلمان کے گھر پیدا ہو تو اسکے مسلمان ہونے کے چانسز 95 پرسنٹ ہیں، جبکہ دوسرا کافر کے گھر پیدا ہو ا سکے مسلمان ھونے کے چانس 3 پرسنٹ ھیں ، کیا یہ بے انصافی نہیں؟ کہ ایک کو جنت میں جانے کے 95 پر سنٹ چانس ملیں جبکہ دوسرے کو صرف 3 پر سنٹ جواب : بلوغت کے بعد عقل کافر کے گھر میں پیدا ہونے والے بچوں کو بھی ملتی ہے اور مسلمان کے گھر پیدا ہونے والے بچے کو بھی ۔ اللہ کی عطاء کردہ عقل کے ذریعہ اللہ کی نشانیوں پر غور کر کے اللہ تک پہنچنے کا راستہ کافر کے گھر پیدا ہونے والے بچے کو بھی میسر ہے۔ اسی طرح بے شک ماحول کا اثر ہوتا ہے لیکن اس وقت پوری دنیا میں ذرائع ابلاغ کے عام ہونے کی وجہ سے دعوت اسلام کی صدا ہر جگہ پہنچ چکی ہے۔ اتمام حجت ہو چکا ہے ، اسلامی تعلیمات و اخلاقیات کا حسن ہر طرح کے کافر کو اسلام کا گرویدہ کر رہا ہے ایسی صورتحال میں اگر کوئی شخص بالغ عاقل ہو کر بھی اسلام و ایمان نہ لائے تو کس کا قصور ہے۔۔۔؟ اگر اسلام کی دعوت یا عقل کافر کے بچوں کو نہیں دی جاتی تو پھر انصاف پر کوئی سوال اٹھایا جا سکتا تھا۔ دوسرا جواب : جو کہا جا رہا ہے کہ ایک شخص جو مسلمانوں کے گھر پیدا ہوا ہے ، اسکے مسلمان ہونے کے چانس 95 پرسنٹ ہیں ، جبکہ دوسرا جو کافر کے گھر پیدا ہوا ہے ، اس کے مسلمان ہونے کے چانس 3 پرسنٹ ہیں۔ ایک شخص کا مسلمانوں کے گھر پیدا ہونا اور دوسرے کا کافر گھر پیدا ہونا یہ مسلمان اور کافر ہونے کیلیے معیار نہیں ہے ، اصل معیار ایمان اور عمل صالح ہے ، اگر ایک شخص مسلم گھرانے میں پیدا ہوا ہے ، لیکن اسکا اللہ کی ذات پر ایمان ہی نہیں ہے ، تو وہ مسلمان کے گھر پیدا ہونے کے باوجود مسلمان نہیں ہو سکتا، جبکہ دوسرا جو کافر کے گھر پیدا ہوا ہے ،اگر وہ صاحب ایمان ہے ، تو کافر کے گھر پیدا ہونے کے باوجود وہ شخص مسلمان کہلایا جائیگا ۔ تیسری بات : ہمیں کسی کے بارے کوئی بھی حتمی علم نہیں ہے ، کہ کون بندہ مسلم ہے اور کون نہیں اسلیے یہاں عدل و انصاف کا سوال ہی بے سود ہے ، اگر ہمیں کسی کافر کے بارے حتمی علم ہوتا کہ یہ آخر دم تک کافر رہیگا ، کافر ہو کر مریگا ، یا ایک شخص کے بارے حتمی طور پر علم ہوتا کہ یہ پکا مسلمان ہے اور تازیست مسلمان ہی ہوگا اور مسلمان ہو کر مریگا تب ہم سوال اٹھا سکتے تھے ، لیکن جب ہمیں دونوں کے بارے کوئی حتمی علم ہی نہیں کہ کون جنتی ہے اور کون جہنمی تو انصاف کا سوال بھی بے معنی ہو جاتا ہے۔ مثال : ایک شخص پر قتل کا الزام ہے ، اور جنہوں نے اس پر الزام لگایا ہے وہ قاضی سے مطالبہ کر رہیں کہ ہمیں انصاف دلایا جائے اور اس قاتل کو سزادی جائے لیکن قاضی اور جج ان سے شواہد کا مطالبہ کریگا قطعی علم کا مطالبہ کریگا کہ آپ اس کے چشم دید گواہ ہیں ؟ جب تک ملزم شخص کے بارے قطعی اور حتمی علم نہیں ہو جاتا اس کے بارے میں ٹھوس ثبوت نہیں مل جاتے تب تک قاضی انصاف کی کرسی نہیں لگائیگا اور محض دعوی کی بنیاد پر انصاف نہیں کریگا ۔ اسی مثال پر بندے کے کافر و مسلمان ہونے کو منطبق کریں کہ اس دنیا میں ہم سے کسی کو بھی کسی کے بارے کوئی قطعی اور حتمی علم نہیں ہے ، کہ یہ بندہ مسلمان ہو کر مریگا اور یہ کافر ہو کر جب کسی کے بارے کوئی قطعی علم ہے ہی نہیں تو ہم اللہ (جج) سے کس طرح مطالبہ کر سکتے ہیں کہ اس سے انصاف کیا جائے۔ نا انصافی پر ایویڈنس ہوں تب انصاف کیا جائیگا نہ ! محض تخیلات کی بنا پر انصاف کی عمارت کھڑی نہیں کی جاسکتی۔ ہاں ! بروز قیامت چونکہ ہم میں سے ہر کوئی ایک دوسرے کا چشم دید گواہ ہو گا اس وقت اگر کسی سے نا انصافی ہو تو اللہ سے مطالبہ کیا جا سکتا ہے ، کہ اسے انصاف دیا جائے لیکن اس دن تو کسی سے نا انصافی ہی نہیں ہو گی بلکہ ہر کسی کو اس کے کیے کا بدلہ دیا جائیگا وما اللہ بظلام للعبيد -

پیارے مدینے یہ تو بتا پیارے مدینے یہ تو بتا کچھ سماں وہ کیسا پیارا ہو گا تجھ میں آقا رہتے ہوں گے اور تو شوق سے دیکھتا ہو گا میرے نبی کے گلشن کی کیا بات سہانی ہوتی ہو گی خار بھی گل بن جاتے ہوں گے قرب جو آپ کا ملتا ہو گا حجرے میں جب رات کو پیارے آقا داخل ہوتے ہوں گے اندھیرا چھٹ جاتا ہو گا حجرہ چمک ہی اٹھتا ہو گا جب بھی جہاد کو آپ کے ساتھ صحابہ سفر میں چلتے ہوں گے آپ کے گرد صحابہ کا مضبوط حصار اک ہوتا ہو گا جب بھی نماز کو میرے آقا مسجد آیا کرتے ہوں گے صف کو باندھے ادب سے ہر اک سر کو جھکائے رکھتا ہو گا جب جب آقا مسجد نبوی میں جلوہ فرماتے ہوں گے مسجد نبوی ' آپ' صحابہ کیا ہی حسین نظارہ ہو گا جبریل آپ کی خدمت میں جب تحفہ وحی کا لاتے ہوں گے نین چمک ہی اٹھتے ہوں گے چہرہ کھل ہی جاتا ہو گا جس چے پہ قدم مبارک اکثر لگتے رہتے ہوں گے آج تلک وہ چپہ حجر میں اکثر روتا رہتا ہو گا آج تلک ہر زائر کو تو بانہوں میں بھر لیتا ہو گا حرت ہے یہ بتول کی ہر دم، کب میرا ابھی جانا ہو گا حجر کی شام غم ہے لمبی زیست ہے تھوڑی سی اب باقی درد کے اس قصے کا کب تک قرب میں آہ بدلنا ہو گا حسرت ساری عمر کی ہے یہ رونا دیر سے آنے کا ہے جس پہ فدا ہے خود ہی حسن بھلا وہ کیسا ہو گا