બે વિદ્યાર્થીઓનો પ્રસંગ
હઝરત મૌલાના ખલીલ અહમદ સહારનપુરી (રહમહુલ્લાહ), જેમના માટે તેમના ગુરુ હઝરત ગંગોહી (રહમહુલ્લાહ) ફરમાવતા હતા કે, "મારા ખલીલને અલ્લાહે સહાબા (પયગંબરના સાથીઓ) જેવો સંબંધ (નિસ્બત) અર્પણ કર્યો છે." એટલા મોટા અલ્લાહના વલી, તેમણે બે વિદ્યાર્થીઓને એક થાંભલા સાથે બાંધી દીધા. એક વિદ્યાર્થીએ કહ્યું, "ઉસ્તાદ જી! દોરડું ખોલો, હું કોઈ ગુલામ નથી, બીજી મદ્રેસાઓ પણ છે." હઝરત મૌલાના ખલીલ અહમદ સહારનપુરીની આંખોમાં આંસુ આવી ગયા; તેમણે દોરડું ખોલ્યું અને ફરમાવ્યું, "બેટા, માફ કરી દેજે." છોકરાએ કહ્યું, "હા હા, માફ કરી દીધા!" હઝરત બીજા વિદ્યાર્થી પાસે આવ્યા અને કહ્યું, "બેટા! તને પણ ખોલી દઉં?" શિષ્યે હાથ જોડી દીધા અને કહ્યું, "ઉસ્તાદ જી! તમે મારા શેખ (ગુરુ) પણ છો, હું તો સમર્પણ કરવા (મરવા) માટે આવ્યો છું; તમારી મરજી જીવતો રાખો, તમારી મરજી મારી નાખો." ઉસ્તાદ જી રડતા જતા હતા અને દોરડું ખોલતા જતા હતા અને કહેતા જતા હતા કે, "અલ્લાહ તને કયામત સુધી ઇજ્જત (સન્માન) આપશે." પહેલા વિદ્યાર્થીને દુનિયા નથી જાણતી કે તેનું નામ શું છે, તે ક્યાં ગયો, ક્યાં તેનું અવસાન થયું. પરંતુ બીજા વિદ્યાર્થીને બાળક-બાળક જાણતું હતું, બાળક-બાળક જાણે છે, અને બાળક-બાળક જાણશે; આ હતા શેખુલ હદીસ હઝરત મૌલાના ઝકરિયા સાહેબ (રહમહુલ્લાહ).
_________📝📝📝_________
પુસ્તક: માસિક બરકાતે અકાબિર કરાચી (જૂન)
પેજ નંબર: ૬૦ - ૬૧
નકલ કરનાર: અનસ મેમણ
