"اس وقت خطرات مول لے کر کام کرنے کی ضرورت ہے۔ اگر ہم چاہیں کہ آنچ نہ آئے ، خواب میں بھی کوئی خطرہ پیش نہ آئے تو پھر کسی چیز کا ہمیں استحقاق نہیں،ہر زندہ وجود کو خطرہ مول لینا پڑتا ہے، چیونٹی جو بے حقیقت ہے اس کو بھی خطرہ مول لینا پڑتا ہے، حالانکہ وہ تو جانتی ہے کہ مسل دی جائے گی لیکن جب وقت پڑتا ہے تو اس کو بھی یہی فیصلہ کرنا پڑتا ہے، جو اپنی مدد نہ کر سکے اس کی کوئی مدد نہیں کر سکتا۔" مولانا ابو الحسن علی ندوی رحمہ اللہ (بحوالئہ نئی نسل کے دین و ایمان کا تحفظ ،ص٩١)
اگر آپ ہزاروں کتابیں، نعتیں، تصاویر، ویڈیوز، اخبار، مضامین، قبلہ نما، اوقات نماز، اسلامک گھڑی اور بہت کچھ آسانی کے ساتھ حاصل کرنا چاہتے ہیں تو بس ہمارے Islamic Tube ایپ کو پلے سٹور سے انسٹال کرو، اور بالکل مفت اور آسانی کے ساتھ اسلامک مواد حاصل کرو
ڈاؤن لوڈ کریں
بہشتی زیور اور تعلیم الدین کے بعض مقامات کی اصلاح: (۱) بہشتی زیور میں عشاء کے بعد چار سنتیں لکھ دی ہیں، صحیح یہ ہے کہ دو سنت ہیں اور دو نفل ۔ (۲) بہشتی زیور میں ایام بیض ۱۲، ۱۳، ۱۴ تاریخوں کو لکھ دیا ہے، صحیح ۱۳، ۱۴ ، ۱۵ ہیں۔ (۳) تعلیم الدین اور بہشتی زیور میں تیجے، چالیسویں وغیرہ کے بدعت ہونے کے ذکر میں یہ لفظ لکھا گیا ہے "ضروری سمجھ کر کرنا" اس سے شبہ ہو سکتا ہے کہ شاید غیر ضروری سمجھ کر کرنا جائز ہو یہ قید واقعی تھی ، احترازی نہ تھی، حکم یہ ہے کہ خواہ کسی طرح سے کرے بدعت ہے۔ (۴) تعلیم الدین میں قبروں پر چراغ جلانے کے بارے میں یہ لفظ لکھا گیا ہے: ” کثرت سے چراغ جلانا “ اس میں بھی مثل مقام سوم کے سمجھنا چاہیے، حکم یہ ہے کہ ایک چراغ رکھنا بھی بدعت ہے۔ احباب سے دعا کی استدعا ہے کہ حق تعالیٰ میری خطا و عمد کو معاف فرمائے اور میری تقریرات و تحریرات کو اضلال کا سبب نہ بنائیں۔ (اشرف السوانح : ۱۳۵/۳، بوادر النوادر : ۴۲۸)
