જન્નતની પહેલી સવાર વિશે શું ખ્યાલ છે?
જ્યારે તમે તમારા મહેલની ઊંચાઈ પર ઉભા રહીને જન્નતના ખજાના અને તેની નહેરોને જોઈ રહ્યા હશો! તમારા આકાશ અને ધરતી બદલાઈ ગયા હશે! દૂધ, મધ, શરાબ અને અત્યંત સફેદ પાણીની નહેરો! સોના અને ચાંદીના મહેલો! નજર પહોંચે ત્યાં સુધી મોતીઓની ધરતી! કસ્તૂરીના ટીંબા! દરેક તરફ ઉમદા સુગંધ! ઘટાદાર વૃક્ષો અને તેની સોનાની ડાળીઓ અને થડ! વિવિધ રંગો અને આકારોના ફળો! નોકર-ચાકર, વિશાળ સામ્રાજ્ય, ઉચ્ચ સ્થાન! સુંદર આંખોવાળી હૂરો અને ગિલમાન! તમને આ પરવાનો (હુકમ) આપી દેવામાં આવ્યો છે કે હવે તમે હંમેશા યુવાન રહેશો, ક્યારેય વૃદ્ધ નહીં થાઓ! હંમેશા તંદુરસ્ત રહેશો, ક્યારેય બીમાર નહીં પડો! હંમેશા જીવંત રહેશો, ક્યારેય મૃત્યુ નહીં આવે! હંમેશા ખુશીઓમાં રહેશો, ક્યારેય ગમ (દુઃખ) નહીં જુઓ!
તમારા પરિવારજનોમાંથી જેને તમે ગુમાવી ચૂક્યા છો, અલ્લાહ તઆલા આપ સૌને ત્યાં એકઠા કરશે! એવી જન્નત કે જેને આજ સુધી કોઈ આંખે જોઈ નથી, કોઈ કાને સાંભળી નથી અને કોઈ માનવીના દિલ પર તેનો ખ્યાલ પણ પસાર થયો નથી! સહાબા-એ-કરામ રદિઅલ્લાહુ અન્હુમ અને નબી કરીમ સલ્લલ્લાહુ અલયહિ વસલ્લમ સાથે મુલાકાત થશે! અને સૌથી વિશેષ અલ્લાહ રબ્બુલ ઇઝ્ઝતની ઝિયારત (દર્શન) થશે!
જરા વિચારો:
શું આ બધી નેઅમતો એ વાતને પાત્ર નથી કે આ ટૂંકા જીવનમાં અલ્લાહ રબ્બુલ ઇઝ્ઝતના આદેશોનું પાલન કરવામાં આવે? અને નબી કરીમ સલ્લલ્લાહુ અલયહિ વસલ્લમના મુબારક તરીકાઓને અપનાવવામાં આવે? અને પાપોથી દૂર રહેવામાં આવે? અને અમલમાં ઇખલાસ (નિષ્ઠા) પેદા કરવામાં આવે?
યા અલ્લાહ અમને, તમને અને જેને અમે પ્રેમ કરીએ છીએ, અમારા માતા-પિતા, ભાઈઓ અને બહેનોને ફિરદૌસ-એ-આલામાં કોઈ પણ હિસાબ અને અઝાબ વગર ભેગા કરજો. (આમીન યા રબ્બુલ આલમીન)
