હઝરત મૌલાના ઉબૈદુલ્લાહ સિંધી લખે છે કે: સૌથી પહેલા જે પુસ્તકે મને ઇસ્લામ વિશે સાચી માહિતી આપી અને હિન્દુ સોસાયટીમાં રહીને હું સોળ વર્ષની ઉંમર પહેલા મુસલમાન થઈ ગયો, તે "તુહફત-ઉલ-હિન્દ" છે. તુહફત-ઉલ-હિન્દના મારા હમનામ લેખકે (મુઅલ્લિફ) હિન્દુ ધર્મના શિર્કવાળા (મુશ્રિકાના) અકીદા અને રીત-રિવાજોનું વર્ણન કર્યા પછી હિન્દુઓ તરફથી એક વાંધો (એતરાઝ) ટાંક્યો છે કે શું મુસલમાનોમાં પણ આવા શિર્કવાળા કાર્યો અને રીત-રિવાજો જોવા મળે છે? આનો જવાબ લેખકે ટૂંકમાં એ આપ્યો છે કે અમે હિન્દુ ધર્મ વિશે જે કંઈ પણ કહ્યું છે, તે તેમના પ્રમાણભૂત (મુસ્તનદ) પુસ્તકોમાંથી લેવામાં આવ્યું છે પરંતુ તેના જવાબમાં જે કંઈ રજૂ કરવામાં આવે છે, તે ઇસ્લામના પ્રમાણભૂત પુસ્તકોમાંથી લેવામાં આવ્યું નથી, પણ તે મુસલમાનોના પોતાના કાર્યો અને રીત-રિવાજો છે, જેના માટે ઇસ્લામ જવાબદાર નથી અને કુરાન તથા હદીસમાંથી તેનો કોઈ પુરાવો રજૂ કરી શકાય તેમ નથી. આ પ્રસંગે મારા સાથીને (જે મારી જેમ જ નવ-મુસ્લિમ હતા) એ વાતની તપાસ (તહકીક) કરવાનું મન થયું કે શું ખરેખર ઇસ્લામના પ્રમાણભૂત પુસ્તકો આ બાબતમાં બિલકુલ બેદાગ છે અને શું તેમાં આ કાર્યો અને રીત-રિવાજોનો ક્યાંય કોઈ પુરાવો નથી? આ સમયે એક એવા પુસ્તકની જરૂર હતી જેમાં માત્ર કુરાન અને હદીસના સંદર્ભ સાથે ઇસ્લામનું એકેશ્વરવાદ (તૌહીદ) રજૂ કરવામાં આવ્યું હોય. સદભાગ્યે તુહફત-ઉલ-હિન્દ પછી જે બીજું પુસ્તક અમારા હાથમાં આવ્યું તે મૌલાના ઇસ્માઇલ શહીદનું "તકવિયત-ઉલ-ઇમાન" હતું, જે આ સવાલનો સંતોષકારક (જવાબ-એ-શાફી) જવાબ હતો અને જેનાથી અમને ખબર પડી ગઈ કે ઇસ્લામનું તૌહીદ બિલકુલ શુદ્ધ (ખાલિસ) છે અને કુરાન તથા હદીસ મુસલમાનોના આ કાર્યો અને રીત-રિવાજોથી બિલકુલ મુક્ત (બરી) છે. (મશાહીર-એ-અહલે ઇલ્મ કી મુહસિન કિતાબેં: ૨૯, પ્રેસ: માઆરીફ પ્રેસ આઝમગઢ) નકલ કરનાર: અબુ સાદ ચારોલિયા — મનકૂલ. ઇન્તખાબ ઇસ્લામિક ટ્યુબ પ્રો એપ.