હઝરત ખાલિદ બિન વલીદ (રઝિ.) ની ઇમારત અને સરકર્દગીમાં એક લશ્કર ઈરાનીઓ સામે મુકાબલો કરવા માટે ગયું, ઈરાની લશ્કરનો સિપહસાલાર મશહૂર જમાનાનો પહેલવાન અને બહાદુર "રુસ્તમ" હતો. હઝરત ખાલિદ બિન વલીદ (રઝિ.) એ રુસ્તમની દરખાસ્ત પર હઝરત રિબઈ બિન આમિર (રઝિ.) ને તેની સાથે વાતચીત કરવા માટે મોકલ્યા. ઈરાનીઓએ રુસ્તમનો દરબાર ખૂબ સજાવી રાખ્યો હતો, રેશમ અને હરીરના ગાદલાં, શ્રેષ્ઠ જાજમ, સોના અને ચાંદીની વસ્તુઓ અને અન્ય શણગારના સાધનોથી આરાસ્તા-પૈરાસ્તા કરી દીધો હતો. હઝરત રિબઈ બિન આમિર (રઝિ.) ઘોડા પર સવાર, હથિયારોથી સજ્જ, ફાટેલા-જૂના કપડાં પહેરીને, એ શાન સાથે રુસ્તમના દરબારમાં પહોંચ્યા કે ખુલ્લી તલવાર તેમના હાથમાં હતી. દરબારમાં રુસ્તમનો ફર્શ (જાજમ) બિછાવેલો હતો, આપ ઘોડાને તેના પર ચલાવતા અંદર જવા લાગ્યા. રુસ્તમ પહેલવાનના માણસોએ તેમને રોક્યા અને તેમને કહ્યું કે ઓછામાં ઓછું તલવાર તો મ્યાનમાં કરી લો. હઝરત રિબઈ બિન આમિર (રઝિ.) એ ફરમાવ્યું કે હું તમારા આમંત્રણ પર આવ્યો છું, મારી મરજી અને ઈચ્છાથી નહીં, જો તમે આ રીતે આવવા નહીં દો; તો હું પાછો ફરી જઈશ. જ્યારે રુસ્તમે આ જોયું તો પોતાના લોકોને કહ્યું કે તેમને એ જ હાલતમાં આવવા દો. પરિણામે આપ એ જ શાન સાથે રુસ્તમ પાસે પહોંચ્યા અને ફર્શ જગ્યાએ-જગ્યાએથી તલવારની અણી વાગવાથી ફાટી ગયો હતો. રુસ્તમે પૂછ્યું કે તમે લોકો શું ઈચ્છો છો? હઝરત રિબઈ બિન આમિર (રઝિ.) એ એવો જવાબ આપ્યો, જે હંમેશા માટે લાજવાબ રહેશે. આપે કહ્યું: ''અલ્લાહુ ઇબ્તઅસના લિનુખ્રિજા મન શા-અ મિન ઇબાદતિલ-ઇબાદ ઇલા ઇબાદતિલ્લાહ, વ મિન ઝીકીદ-દુન્યા ઇલા સઅતિહા, વ મિન જૌરિલ-અદ્યાનિ ઇલા અદ્લિલ-ઇસ્લામ.'' (અલ્લાહે અમને એટલા માટે મબઉસ કર્યા છે કે અમે અલ્લાહના બંદાઓમાંથી અલ્લાહ જેને ચાહે; તેમને બંદાઓની ગુલામીમાંથી કાઢીને અલ્લાહની બંદગી તરફ લાવીએ અને દુનિયાની તંગીઓમાંથી કાઢીને તેની વ્યાપકતાઓમાં લઈ જઈએ અને દુનિયાના વિવિધ ધર્મોના જુલમ અને જોરથી ઈસ્લામના ન્યાય અને ઇન્સાફ તરફ લાવીએ.) (તારીખ અત-તબરી: 2/401, અલ-બિદાયા વન-નિહાયા: 8/39) આ ઘટનાથી ઇસ્લામી સમાજના લોકોની સૃષ્ટિના પ્રદર્શનોથી, દુનિયાની મોહકતાઓથી અને ભૌતિક તાકાતોથી અનાસક્તિ અને નિર્ભયતાનું ભવ્ય પ્રદર્શન થઈ રહ્યું છે, આ જ વસ્તુ ઇસ્લામી સમાજને કુફ્ર અને શિર્કમાંથી બહાર કાઢે છે અને શૈતાની અને તાકૂતી શક્તિઓ સામે આધ્યાત્મિક અને ઈમાની તાકાત બક્ષે છે. _____📝📝📝_____ મનકૂલ. ઇન્તેખાબ ઇસ્લામિક ટ્યુબ પ્રો એપ.