એક હદીસ હઝરત અબૂ હુરૈરા (રઝીઅલ્લાહુ અન્હુ) થી વર્ણવાયેલી છે... તેઓ ફર્માવે છે કે એક વખત હઝરત મોહમ્મદ પયગંબર (સલ્લલ્લાહુ અલૈહી વસલ્લમ) એ અગાઉના ઉમ્મતોના એક માણસનો કિસ્સો બયાન ફર્માવ્યો... કે એક માણસ હતો જેણે પોતાના આત્મા (જાન) પર મોટો ઝુલ્મ કર્યો હતો... મોટા મોટા ગુનાહ કર્યા હતા... ખૂબ જ ખરાબ જિંદગી વિતાવી હતી... અને જ્યારે તેના મોતનો સમય આવ્યો ત્યારે તેણે પોતાના પરિવારજનોને વસીયત (મરણોત્તર ઈચ્છા) કરતાં કહ્યું... કે મેં મારી જિંદગી ગુનાહો અને ગફલતોમાં વિતાવી દીધી છે... કોઈ નેક કામ તો કર્યું નથી... તેથી જ્યારે હું મરી જાઉં તો મારી લાશને સળગાવી દેજો અને જે રાખ બને તેને બિલકુલ બારીક પીસી લેજો... પછી તે રાખને જુદી જુદી જગ્યાએ તેજ હવામાં ઉડાવી દેજો જેથી તેના કણો (ઝર્રાત) દૂર દૂર સુધી ચાલ્યા જાય... આ વસીયત હું એટલા માટે કરી રહ્યો છું... કે અલ્લાહના સોગંદ જો હું અલ્લાહ તઆલાના હાથમાં આવી ગયો તો અલ્લાહ તઆલા મને એવી સજા (અઝાબ) આપશે... કે એવી સજા દુનિયામાં કોઈ બીજા માણસને નહીં મળી હોય... કારણ કે મેં ગુનાહ જ એવા કર્યા છે કે હું આ સજાને પાત્ર છું... જ્યારે તે માણસનું અવસાન થયું ત્યારે તેના પરિવારના સભ્યોએ તેની વસીયત મુજબ અમલ કરીને તેની લાશને સળગાવી દીધી... પછી તેને પીસી નાખી અને હવામાં ઉડાવી દીધી... જેના પરિણામે તેના કણો દૂર દૂર સુધી વિખરાઈ ગયા... આ તો તેની નાસમજીની વાત હતી કે કદાચ અલ્લાહ તઆલા મારા કણોને ભેગા કરવા માટે સક્ષમ (કાદિર) નહીં હોય... ત્યારબાદ અલ્લાહ તઆલાએ હવાને આદેશ આપ્યો કે તેના કણોને ભેગા કરો... જ્યારે કણો ભેગા થઈ ગયા ત્યારે અલ્લાહ તઆલાએ આદેશ આપ્યો... કે તેને ફરીથી સંપૂર્ણ માણસ જેવો હતો તેવો બનાવી દેવામાં આવે... જેથી તે ફરીથી જીવતો થઈને અલ્લાહ તઆલાની સમક્ષ રજૂ કરવામાં આવ્યો... અલ્લાહ તઆલાએ તેને સવાલ કર્યો કે તેં તારા પરિવારજનોને આ બધું કરવા માટે વસીયત કેમ કરી હતી? જવાબમાં તેણે કહ્યું "ખશ્યતકા યા રબ્બ" હે અલ્લાહ! આપના ડરના કારણે... કારણ કે મેં ગુનાહ બહુ કર્યા હતા અને આ ગુનાહોના પરિણામે મને ખાતરી થઈ ગઈ હતી કે હું આપની સજાને પાત્ર બની ગયો છું... અને આપની સજા બહુ સખત છે તો મેં તે સજાના ડરથી આ વસીયત કરી દીધી હતી... અલ્લાહ તઆલા ફર્માવશે કે મારા ડરના કારણે તેં આ કામ કર્યું હતું... તો જા, મેં તને માફ કરી દીધો... આ કિસ્સો ખુદ હઝરત મોહમ્મદ પયગંબર (સલ્લલ્લાહુ અલૈહી વસલ્લમ) એ બયાન ફર્માવ્યો છે જે સહીહ મુસ્લિમમાં સહીહ સનદ (સાચી કડી) સાથે મોજૂદ છે. (સહીહ મુસ્લિમ, કિતાબુત તૌબા વ તન્બીહુલ ગફિલીન) ـــــــــــــــــــــــــــــــــــــــــــــــــــــــــ પુસ્તક: અલ્લાહ બંદોં સે કિતની મુહબ્બત કરતે હૈં? (પાના નંબર: ૩ ૬, ૩૨૭) લેખક: મૌલાના અરસલાન બિન અખ્તર સંકલન: ઇસ્લામિક ટ્યુબ પ્રો એપ