50 રૂપિયાવાળો ફોટો
એક ફોટોગ્રાફરે પોતાની દુકાનની બહાર એક બોર્ડ લગાવેલું હતું, જેના પર નીચે મુજબની ત્રણ વાતો લખેલી હતી: "વીસ રૂપિયામાં તમે જેવા છો, તેવો ફોટો પડાવો. ત્રીસ રૂપિયામાં તમે જેવું વિચારો છો, તેવો ફોટો પડાવો. અને, પચાસ રૂપિયામાં તમે લોકોની સામે જેવા દેખાવા માંગો છો, તેવો ફોટો પડાવો." મૃત્યુ સમયે તે ફોટોગ્રાફરે જણાવ્યું કે લોકોએ હંમેશા મારી પાસે પચાસ રૂપિયાવાળો ફોટો જ પડાવ્યો છે... તેના કહેવાનો હેતુ એ હતો કે (મોટે ભાગે) લોકો આખી જિંદગી બીજાને દેખાડવામાં જ વિતાવી દે છે. આખી જિંદગી દેખાડો કરે છે, અને વીસ રૂપિયાવાળી જિંદગી જીવતા નથી. તમે જેવા પણ છો, ખૂબ સરસ છો... વીસ રૂપિયાવાળી સરળ અને વાસ્તવિક (સાચી) જિંદગી જીવો, વધુ ખુશ રહેશો.
