વોટ્સએપ ગ્રૂપ ચેટના અનુભવને સરળ બનાવવા માટે ચાર મોટા ફેરફારો લાવી રહ્યું છે. આનાથી નવા મેમ્બર્સ માટે જૂની વાતચીત સમજવી સરળ બનશે અને જૂના યુઝર્સ જરૂરી મેસેજ ઝડપથી શોધી શકશે. તાજેતરમાં કંપનીએ 'ગેસ્ટ કોલ્સ' ફીચર પણ રજૂ કર્યું હતું, જેમાં એકાઉન્ટ ન ધરાવતા લોકોને પણ કોલમાં જોડી શકાય છે.

1. મેસેજને હંમેશા માટે પિન કરો

અત્યાર સુધી મેસેજને 24 કલાક, 7 દિવસ અથવા 30 દિવસ માટે પિન કરી શકાતો હતો.

નવા અપડેટમાં સમય-મર્યાદા વગર (હંમેશા માટે) પિન કરવાનો વિકલ્પ મળશે.

એક ગ્રૂપમાં મહત્તમ 4 મેસેજ પિન કરવાની સુવિધા જળવાઈ રહેશે.

ફાયદો: જરૂરી માહિતી લાંબા સમય સુધી ચેટની ઉપર રહેશે અને મેમ્બર્સને વારંવાર શોધવી નહીં પડે.

2. નવા મેમ્બર્સને મળશે જૂની ચેટની માહિતી

નવો સભ્ય જોડાય ત્યારે ગ્રૂપ એડમિન કે મેનેજર તેના નામ પર ટેપ કરીને તાજેતરની વાતચીતના મેસેજ શેર કરી શકશે.

કંપનીના જણાવ્યા અનુસાર, આ શેર કરાયેલા મેસેજ પણ એન્ડ-ટૂ-એન્ડ એન્ક્રિપ્ટેડ રહેશે.

3. મેન્શન ફિલ્ટર: પોતાના ટેગ વાળા મેસેજ તરત જુઓ

મોટા ગ્રૂપમાં રોજના સેંકડો મેસેજ વચ્ચે પોતાનું મેન્શન શોધવું મુશ્કેલ હોય છે. મેન્શન ફિલ્ટર પસંદ કરવા પર યુઝર માત્ર એ જ મેસેજ અલગથી જોઈ શકશે, જેમાં તેમને ટેગ અથવા મેન્શન કરવામાં આવ્યા હોય.

4. પસંદગીના ગ્રૂપ સાથે શેર કરો સ્ટેટસ

સ્ટેટસ માત્ર પસંદ કરેલા ગ્રૂપના સભ્યો જ જોઈ શકશે.

આ 24 કલાક પછી આપોઆપ ગાયબ થઈ જશે.

ગ્રૂપના સભ્યો આના પર રિએક્શન આપી શકશે અને પોતાનું સ્ટેટસ પણ શેર કરી શકશે.

ફાયદો: દરેક કોન્ટેક્ટને બતાવવાને બદલે માત્ર જરૂરી ગ્રૂપ સુધી અપડેટ પહોંચાડવું સરળ બનશે.