آسمان جلتی زمین پر نہیں آنے والا
اب یہاں کوئی پیمبر نہیں آنے والا
پیاس کہتی ہے چلیں ریت نچوڑی جائے
اپنے حصے میں سمندر نہیں آنے والا
اپنے کعبے کی حفاظت تمہیں خود کرنی ہے
اب ابابیلوں کا لشکر نہیں آنے والا
تو پکارے گا تو اے صحن حرم آئیں گے
اب ابابیلوں کے انداز میں ہم آئیں گے
لے کے ہم آئیں گے ہاتھوں میں صداقت کے علم
یہ الگ بات ہے کہ تعداد میں کم آئیں گے
آہی جائے گا کوئی مرد براہیم صفت
جب بھی اللہ کے گھر میں یہ صنم آئیں گے
Recent Articles
ضرورت حفظ قرآن کی عجیب دلیل
admin | 8 April, 2024
دلوں کی فتح
admin | 4 April, 2024
آخرت میں اللہ کی معرفت ہی کام آئے گی (ایک سبق آموز واقعہ)
admin | 12 April, 2024
