سیرت النبی ﷺ کے لیے مفید کتب کے نام
حضوراکرم ﷺ کی سیرتِ مبارکہ پر عربی زبان میں مندرجہ ذیل کتب سے استفادہ کیا جاسکتا ہے: 1:السیرة النبویة: دو جلدوں میں چار حصوں پر مشتمل عبدالملک بن ہشام الحمیری (المتوفی:833 ھ) کی ہے، جو ابن اسحاقؒ کی المغازی والسیر کی ترتیب سے لکھی گئی ہے۔ 2:الشفاء بتعریف حقوق المصطفى: ایک جلد پر مشتمل ابوالفضل قاضی عیاض مالکیؒ (المتوفی:544 ھ) کی ایسی بےنظیر کتاب ہے جو بے تحاشا فوائد کی حامل ہونے کے ساتھ ساتھ مختلف بیماریوں سے شفا کے لیے بھی مجرب ہے۔ 3: المواهب اللدنیة بالمنح المحمدیة:چار جلدوں پر مشتمل احمد بن محمد شہاب الدین القسطلانیؒ (المتوفی:932 ھ) کی سیرت نبوی سے متعلق وافر معلومات کا خزانہ ہے۔ 4: زاد المعاد في هدي خیرالعباد: چھ جلدوں پر مشتمل محمد بن ابی بکر المعروف بابن قیم الجوزیۃ (المتوفی:751 ھ) کی سیرت کے موضوع پر مشہور کتاب ہے، کتب سیرت میں زادالمعاد کی منفرد خصوصیت یہ ہے کہ اس کتاب میں صرف حالات اور واقعات کو بیان کرنے پر اکتفا نہیں کیا گیا ہے، بلکہ یہ بات بھی واضح کرنے کی کوشش کی گئی ہےکہ آپ ﷺ کے فلان قول وعمل سے کون سا حکم مستنبط ہے ۔ سیرت نبوی پر مشتمل اردو زبان میں مندرجہ ذیل کتب مفید ہیں: 1: سیرت المصطفے، تین جلدوں پر مشتمل مولانا محمد ادریس کاندھلوی رحمہ اللہ (المتوفی:1974 ء) کی ہے۔ 2: نشر الطیب فی ذکرالحبیب: ایک جلد پر مشتمل مولانا اشرف علی تھانوی رحمہ اللہ (المتوفی:1943 ء) کی ایک معتبر اور مستند کتاب ہے جسے "العطور المجموعہ" بھی کہا جاتا ہے۔ 3:النبی الخاتم: ایک جلد پر مشتمل مولانا سید مناظر احسن گیلانی رحمہ اللہ (المتوفی:1956 ء) کی سیرت نبوی پر والہانہ انداز میں لکھی گئی کتاب ہے۔ 4: "رحمۃ للعالمین" قاضی سلیمان منصورپوری رحمہ اللہ (پیدائش: 1867ء– وفات: 30 مئی 1930ء) کی تین جلدوں پر مشتمل کتاب ہے، جس کی تعریف و توصیف مولانا علی میاں رحمہ اللہ نے بھی کی ہے۔ فقط واللہ اعلم جامعہ علوم اسلامیہ علامہ محمد یوسف بنوری ٹاؤن ___________📝📝___________ منقول۔ انتخاب : اسلامک ٹیوب پرو ایپ ۔ ___________📝📝___________
- Anas Memon Palanpuri
