مفت آدھار اپ ڈیٹ کی تاریخ پھر بڑھائی گئی، اب 14 جون 2026 آخری تاریخ: UIDAI
یو نیک آئیڈنٹیفکیشن اتھارٹی آف انڈیا (UIDAI) نے اعلان کیا ہے کہ مفت آدھار اپ ڈیٹ کی سہولت اب 14 جون 2026 تک میسر ہوگی۔ پہلے یہ سہولت آج یعنی 14 جون 2025 کو ختم ہونی تھی۔ UIDAI نے ایکس پر بتایا کہ یہ سہولت صرف myAadhaar پورٹل پر دستیاب ہے، جہاں ڈیموگرافک معلومات (جیسے نام، پتہ) اپ ڈیٹ کی جا سکتی ہیں۔ مفت اپ ڈیٹ کیسے ہوگا؟ مفت اپ ڈیٹ کے لیے myAadhaar پورٹل پر ایڈریس اور شناخت کے دستاویزات اپ لوڈ کرنے ہوں گے۔ تاہم، بائیو میٹرک اپ ڈیٹ (جیسے فنگر پرنٹس یا آئی سکین) کے لیے قریبی آدھار سینٹر جانا ہوگا، جہاں فیس ادا کرنی پڑے گی۔ UIDAI نے واضح کیا کہ آن لائن صرف محدود اپ ڈیٹس مفت ہوں گے۔ ہر 10 سال بعد اپ ڈیٹ ضروری حکومت کے مطابق، ہر فرد کو اپنا آدھار ہر 10 سال بعد اپ ڈیٹ کرنا چاہیے۔ بچوں کا بلیو آدھار 5 سے 15 سال کی عمر میں اپ ڈیٹ ہوتا ہے۔ لاکھوں آدھار ہولڈرز کو اس سہولت سے فائدہ اٹھانے کی ترغیب دی جا رہی ہے۔ مزید معلومات کے لیے کسی سوال کی صورت میں ٹول فری نمبر 1947 پر رابطہ یا [email protected] پر ای میل کیا جا سکتا ہے۔
