آپریشن سندور کے بعد غیر ملکی دوروں سے واپس آنے والے رہنماؤں کا کووڈ ٹیسٹ ہوگا، وزیراعظم مودی سے ملاقات طے
نئی دہلی: وزیراعظم نرندر مودی آج شام اپنی سرکاری رہائش گاہ 7 لوک کلیان مارگ پر ایک ہمہ جماعتی وفد سے ملاقات کریں گے۔ ذرائع کے مطابق، اس وفد کے اراکین کے لیے کووڈ-19 ٹیسٹ لازمی ہوگا، جو کہ حفاظتی پروٹوکول کے تحت کیا جائے گا۔ اطلاعات ہیں کہ وزیراعظم مودی منگل کی شام 7:30 بجے ان وفد کے رہنماؤں سے ملیں گے جو آپریشن سندور کے تحت بھارت کا پیغام لے کر غیر ممالک گئے تھے۔ اس دوران مودی وفد کے تجربات اور رائے جانیں گے اور تمام ارکان پارلیمنٹ کے لیے عشائیے کا بھی اہتمام کریں گے۔ وفد کا مشن اس وفد کو خاص طور پر پاکستان کے زیر سرپرستی دہشت گردی کو عالمی سطح پر بے نقاب کرنے کا ہدف دیا گیا تھا۔ سات اہم ارکان پارلیمنٹ کو ٹیم لیڈر کے طور پر نامزد کیا گیا تھا۔ 50 سے زائد اراکین پر مشتمل سات وفود کا مقصد پاکستان کی دہشت گردی کے خلاف بھارت کے سخت موقف کو اجاگر کرنا تھا۔ ان میں ششی تھرور (کانگریس)، روی شنکر پرساد (بی جے پی)، سنجے کمار جھا (جے ڈی یو)، بجینت پانڈا (بی جے پی)، کنیموژی کروناندھی (ڈی ایم کے)، سپریا سولے (این سی پی-ایس پی)، اور شیو سینا کے شری کانت شندے شامل تھے۔ اس کے علاوہ ترنمول کانگریس کے رکن پارلیمنٹ ابھیشیک بنرجی بھی وزیراعظم مودی کے ساتھ اس اعلیٰ سطحی اجلاس میں شریک ہوں گے، جو وفد کا حصہ تھے۔
